У Беларусі можа з'явіцца новы жаночы рух
У Беларускай сацыял-дэмакратычнай партыі (Грамада) паўстане жаночае крыло. Актывісткі ўжо збіраюць подпісы сяброў партыі ў падтрымку гэтай ідэі.
Пра мэты гэтай ініцыятывы Еўрарадыё распавяла сябра "Грамады" Вольга Тыгрыцкая. Па яе словах, актывісткі не звярнуліся ў Жаночую партыю "Надзея", бо тая знаходзіцца ў вельмі складаных умовах.
Тыгрыцкая: “Ідэя – гэта ўзмацненне жанчын у прыняцці палітычных рашэнняў. Наша дзейнасць, дзейнасць жанчын БСДП, будзе накіраваная на вырашэнне сацыяльных праблемаў. І на пашырэнне ролі жанчын у эканамічных, сацыяльных і палітычных сферах”.
У траўні плануецца з’езд партыі. На ім дэлегатам раздадуць заяву з подпісамі пра стварэнне жаночага крыла. Тыгрыцкая зазначыла, што ў самым лепшым выпадку гэтае крыло БСДП можа стаць падставай з'яўленння жаночага руху.
