У Кіеве вырашылі пабачыць Барозу, а не Лукашэнку
Патрабаванне старшыні Еўракамісіі Жазэ Мануэля Барозу наконт адсутнасці Аляксандра Лукашэнкі на Чарнобыльскай канферэнцыі выкананае.
Старшыня Еўракамісіі Жазэ Мануэль Барозу прыедзе ў Кіеў на канферэнцыю, прысвечаную 25-й гадавіны Чарнобыльскай катастрофы, а Беларусь на гэтым мерапрыемстве будзе прадстаўленая на ўзроўні прэм'ер-міністра.
Пра гэта прэсе паведаміў сёння кіраўнік Адміністрацыі прэзідэнта Украіны Сяргей Левачкін, перадае ІА REGNUM.
Чыноўнік, разам з тым, праінфармаваў, што Расія таксама будзе прадстаўленая прэм'ер-міністрам.
Нагадаем, раней украінскія СМІ паведамілі, што Барозу гатовы ўзяць удзел у канферэнцыі пры выкананні ўкраінскім бокам адной умовы — адсутнасці прэзідэнта Беларусі Аляксандра Лукашэнкі.
