У Маскве затрымалі больш за 300 удзельнікаў апазіцыйнай акцыі (фота, відэа)
Удзельнікі сходу на Трыумфальнай правялі ноч у паліцыі. Сярод затрыманых апынуліся лідар партыі "Яблоко" Сяргей Мітрохін і палітык Барыс Нямцоў.
Нагадаем, што ўвечары 6 снежня на Трыўмфальнай плошчы ў цэнтры горада сабраліся прадстаўнікі апазіцыі, каб пратэставаць супраць абвешчаных вынікаў выбараў у Дзярждуму. Таксама на плошчу выйшлі ўдзельнікі моладзевых рухаў, якія падтрымліваюць праўрадавую "Адзіную Расію". Агулам на плошчы было каля 5 тысяч чалавек, паведамляе РІА "Новости".
Па звестках відавочцаў, паліцыя затрымлівала толькі ўдзельнікаў апазіцыйнай акцыі.
На многіх затрыманых паліцыя склала адміністрацыйныя пратаколы за парушэнне парадку арганізацыі або правядзенні вулічнай акцыі ды непадпарадкаванне законнаму распараджэнню супрацоўніка паліцыі.
Фота: novayagazeta.ru
Фота: gidepark.ru
Фота: rusrep.ru
Відэа: http://ru.euronews.net/
