У Мінска з'явіцца лагатып
Яго распрацоўкай займаюцца спецыялісты інфармацыйна-турыстычнага цэнтра "Мінск".
Па словах яго дырэктара Алены Пліс, з'яўленне гарадскога лагатыпа дазволіць павялічыць прыток замежных турыстаў у Мінск больш як у два разы. Плануецца, што прыбыткі гарадскога бюджэту павысяцца на 15%.
Пліс: "Еўрапейскія гарады інвестуюць у сярэднім 10 мільёнаў долараў у год на прасоўванне ўласнага брэнду. У нашай блізкай суседцы Рызе ў распрацоўку лагатыпа горада было інвеставана 500 тысяч еўра. Прыбытак ад турызму пры гэтым склаў 40 мільёнаў еўра ў год. Распрацоўка адзінага стылю Мінску дазволіць нам падаць у 2013 годзе заяўку на ўдзел у конкурсе "Еўрапейскі горад культуры".
