У Мінску прайшла акцыі “Memento FEMEN!”
Шэраг банераў у падтрымку эпатажнага ўкраінскага руху вывесілі ў людных месцах сталіцы.
Акцыю правялі сябры кампаніі “Рэвалюцыя праз сацыяльныя сеткі” і “Маладога фронту”. Такім чынам беларусы нагадалі пра скандал з украінскімі актывісткамі. Нагадаем, што тры дзяўчыны з руху FEMEN 19 снежня правялі топлес-акцыю ля будынку КДБ у Мінску. Пасля дзяўчаты зніклі і знайшліся толькі на наступны дзень у лесе пад Ельскам. Па словах украінак, іх туды вывезлі невядомыя ў масках і ўсяляк паздзекаваліся, пасля чаго адпусцілі.
