У Варшаве адкрылася выстава да паўстання 1863 года (фота)
На ёй можна пабачыць фотаздымкі, пракламацыі, улёткі, успаміны, дакументы, ювелірныя вырабы і памятныя рэчы.
Выстава размясцілася ў будынку Галоўнага архіву гістарычных актаў па вуліцы Dluga 7. Бясплатна наведаць яе можна да 8 лютага.
Выстава пад назвай “Смерць адзіным пераможцам, хвала пераможаным!” раздзеленая на некалькі частак. Яна распавядае пра настроі ў грамадстве напярэдадні паўстання, хаду паўстання і рэпрэсіі пасля яго задушэння.
Значная месца на выставе аддадзена ўраджэнцу Беларусі Рамуальду Траўгуту. Пра яго жыццё і паўстанцкую дзейнасць распавядаецца ажно на 3 стэндах.
На выставе таксама можна набыць кнігу і паглядзець відэа-лекцыю пра паўстанне.
