З мікашэвіцкага “Граніта” сыходзяць адразу 430 рабочых
Яны напісалі заявы на звальненне, бо іх не задавальняюць заробкі ў 200-400 долараў.
Па словах старшыні незалежнага прафсаюзу прадпрыемства Алега Стахаевіча, рабочыя настроеныя з’язджаць на працу за межы Беларусі, але іх адмаўляюцца звальняць без месячнай адпрацоўкі.
Нягледзячы на тое, што ў некаторых ўжо ёсць дамова на працу ў Расіі, насустрач сваім работнікам кіраўніцтва прадпрыемства ісці не хоча. У той жа час, як кажа Стахаевіч, калі пачыналі ствараць незалежны прафсаюз, ім казалі: сыходзьце хоць заўтра, на ваша месца з некалькі раёнаў жадаючых. Некаторыя рабочыя ідуць на прагулы, каб іх звольнілі нават па артыкуле, інфармуе spring96.org
