Рэжым Лукашэнкі становіцца пагрозай унікальнай прыродзе Палесся

Лукашэнкаўскія ўлады вырашылі знішчаць унікальную прыроду беларускага Палесся. Падрабязнасці схаваныя ў дакуменце пад нуднай назвай "Праграма развіцця раёнаў Прыпяцкага Палесся на 2025–2030 гады".

Сярод планаў — "аднаўленне і нарошчванне індустрыяльнага патэнцыялу за кошт рэалізацыі інвестыцыйных праектаў (…), у тым ліку з глыбокай перапрацоўкай мясцовых сыравінных рэсурсаў", а таксама мяркуецца праводзіць меліярацыю багнаў.

Улады бачаць патэнцыял у мясцовым каліі, вугалі, торфе і нават нафце, якой тут знайшлі ажно восем радовішчаў.

Палессе — рэгіён з унікальнымі лясамі і балотамі, яго часта называюць "лёгкімі Еўропы". Тут жывуць шмат чырвонакніжных птушак і жывёл, а таксама  раслін.