Рыхтуецца фотаальбом пра замкі Вялікага княства Літоўскага
Фотаальбом "Замкі Вялікага княства Літоўскага і іх сістэма ў XIV-XVI стагоддзях" рыхтуюць энцыклапедысты Мінска і Вільні. Як адзначае агенцтва "Минск-новости", сумесны праект мусіць адлюстраваць агульную гістарычную і культурную спадчыну двух народаў. Дарэчы, цяпер у Беларусі знаходзіцца група літоўскіх спецыялістаў, якія займаюцца фотаздымкамі архітэктурных помнікаў часоў ВКЛ у Смаргоні, Нясвіжы, Міры, Навагрудку, Лідзе і Гродне.
