Школьніца ў Лунінцы пераходзіла вуліцу не на пераходзе і трапіла пад машыну
14-гадовая школьніца ў Лунінцы трапіла пад машыну зранку 18 лютага, паведамляе gaibrest.by.
ДТЗ адбылося ў 7:50 на вуліцы Чыгуначнай. 48-гадовы мясцовы жыхар на аўтамабілі "Лянча-Капа" насупраць дома №7 збіў дзяўчынку, якая пераходзіла праезную частку не па пешаходным пераходзе.
Пры аварыі дзіця атрымала траўмы і было шпіталізаванае ў Лунінецкую цэнтральную раённую лякарню.
