Сталіцы Казахстана збіраюцца вярнуць назву Астана
Сталіца Казахстана гораду Нур-Султан могуць вярнуць ранейшую назву — Астана, піша vlast.kz.
З такой прапрановай выступіла група дэпутатаў парламента. І прэзідэнт Казахстана Касым-Жамарт Такаеў пагадзіўся з прапановай. Цяпер прапанова ўключаная ў праект канстытуцыйнага закона.
"Прэзідэнт паінфармаваны пра гэтую ініцыятыву дэпутатаў, якія ў сваю чаргу абапіраліся на прапановы, якія неаднаразова выказваліся падчас сустрэч з насельніцтвам, а таксама ў шматлікіх зваротах грамадзян у перыяд рэферэндуму. Прапанова парламентарыяў ўключана ў праект канстытуцыйнага закона са згоды кіраўніка дзяржавы", — паведаміў прэс-сакратар прэзідэнта Руслан Жалдзібай.
Але іншым аб'ектам, названым у гонар Нурсултана Назарбаева, прапануецца пакінуць гэтае імя. Па словах прэс-сакратара, Такаеў лічыць гістарычным фактам вырашальную ролю Нурсултана Назарбаева ва ўмацаванні казахстанскай дзяржаўнасціі станаўленні сталіцы.
Астана была перайменаваная ў Нур-Султан у 2019 годзе, калі кіраўніком дзяржавы стаў Такаеў. Ён жа выступіў з ініцыятывай перайменавання сталіцы.
