Святочны парад у Мінску (фота, відэа)
3 ліпеня адзначаліся Дзень Незалежнасці Рэспублікі Беларусь і 70-я ўгодкі вызвалення ад нямецкіх захопнікаў.
З гэтай нагоды ўвечары ў чацвер у беларускай сталіцы адбыліся святочны парад і тэатралізаванае шэсце. Па Мінску прайшлі больш за 3700 вайскоўцаў, у складзе механізаванай калоны было каля 240 узораў самай разнастайнай тэхнікі, у тым ліку і расійскай — самаходныя пускавыя ўстаноўкі "Іскандэр", зенітны ракетны комплекс С-400 "Трыумф", браніраваныя шматмэтавыя аўтамабілі "Тыгр". У небе праляцелі чатыры дзясяткі самалётаў і верталётаў (беларускіх і расійскіх).
Таксама ў парадзе паўдзельнічалі цягачы, трактары і камбайны беларускай вытворчасці, Адбылося шэсце спартсменаў. А фіналам святкавання стала масавае спяванне гімна і святочны салют.
Фота, відэа — БЕЛТА
