Сярэдні памер пенсіі ўдвая перавысіў пражытковы мінімум для пенсіянераў

У Беларусі сярэдні памер прызначаных у верасні пенсій склаў Br300,3, што ўдвая перавышае бюджэт пражытковага мінімуму (БПМ) для пенсіянераў, паведамляе БЕЛТА са спасылкай на аператыўныя дадзеныя Нацыянальнага статыстычнага камітэта. Сярэдні памер пенсій па ўзросту ў верасні склаў Br308,2; па інваліднасці — Br275,4; па прычыне страты карміцеля — Br210,1; сацыяльных пенсій — Br183,7.

У адпаведнасці з пастановай Міністэрства працы і сацыяльнай абароны бюджэт пражытковага мінімуму для пенсіянераў у коштах чэрвеня ў разліку на месяц на перыяд з 1 жніўня па 31 кастрычніка бягучага года складае Br152. У органах па працы, занятасцi i сацыяльнай абароне ў верасні на ўліку стаяла 2 мільёны 578,5 тысячы пенсіянераў.