Сяргей Гоўша: Статус сведкі мяне здзіўляе
Баранавіцкага праваабаронцу Сяргея Гоўшу сёння дапыталі ў якасці сведкі па справе аб масавых беспарадках.
Як распавёў Intex-press праваабаронца, перад пачаткам допыту ён папрасіў, каб пры размове прысутнічаў яго прадстаўнік, бо Канстытуцыя такое права дае. Аднак у гэтым было адмоўлена.
Допыт доўжыўся каля дзвюх гадзінаў. Напрыканцы гутаркі супрацоўнікі КДБ ўзялі падпіску аб неразгалошванні.
Гоўша змог паведаміць, што выклікалі яго ў якасці сведкі па крымінальнай справе аб масавых беспарадках у Мінску 19 снежня. І такі статус яго здзіўляе: "Бо ў той дзень у Мінску мяне не было".
