Тэлевядоўца Ганна Бонд пераплыла Басфор
Тэлевядоўца Ганна Бонд пераплыла праліў Басфор — такую амбіцыёзную мэту яна паставіла перад сабой некалькі месяцаў таму, а цяпер яе дасягнула. Адлегласць у 6,5 км яна пераадолела за 1 гадзіну 38 хвілінаў пры ліміце часу ў 2 гадзіны.
Пра сваё дасягненне Ганна паведаміла ў Інстаграме і напісала: “Ніколі не здавайцеся, калі вашы мэты шчырыя і сумленныя. Тады ўсё атрымаецца”.
30-ы заплыў праз Басфор з Азіі ў Еўропу адбыўся 22 ліпеня. Рэгістрацыя адбывалася ў ноч з 3 на 4 студзеня. Усе месцы для замежных удзельнікаў разабралі за 27 хвілінаў, піша TUT.by
