У Альпах разбіўся вінтажны самалёт з турыстамі, усе людзі на борце загінулі
У Альпах разбіўся вінтажны самалёт, які перавозіў на борце турыстаў са Швейцарыі і Аўстрыі. Ён урэзаўся ў гару на вышыні 2500 м над узроўнем мора. Усе 20 чалавек, якія былі на борце (у тым ліку 3 сябры экіпажу), загінулі.
Як паведамляе ВВС, крушэнне здарылася ў суботу, але паліцыя кантона Граубюндэн паведаміла пра яго толькі ў нядзелю.
Гэта быў самалёт “Юнкерс” JU52 HB-HOT 1939 года выпуска. На гэтым судне арганізоўваліся паветраныя прагулкі для турыстаў. Мяркуецца, што самалёт пайшоў у піке, а затым на вялікай хуткасці ўрэзаўся ў скалу.
