Пад Мінскам разбіўся дэльтаплан, загінулі два чалавекі
На месцы трагедыі / Следчы камітэт
Удзень 14 красавіка каля вёскі Азярцо Мінскага раёна разбіўся мотадэльтаплан "Фрэгат". Загінулі два чалавекі, паведамляе прэс-служба Следчага камітэта.
Паводле папярэдняй інфармацыі, падчас палёту 45-гадовы пілот не справіўся з кіраваннем. На борце дэльтаплана была таксама 26-гадовая пасажырка.
Відавочцы расказалі, што дэльтаплан набраў вышыню, але потым пачаў падаць. У выніку крушэння загінулі і пілот, і пасажырка.
На месцы здарэння працуюць следчыя Мінскага раённага аддзела і абласнога ўпраўлення.
