У Віцебску завяршыліся работы каля пяціпавярховіка, дзе праваліўся грунт
Віцебскі дом, каля якога абваліўся грунт / sb.by
Завяршыліся рамонтна-аднаўленчыя работы па ўмацаванні грунту па вуліцы Шрадэра ў Віцебску. Як паведамляе прэс-служба МНС, жыхары дома могуць вярнуцца ў свае кватэры.
На ўчастку каля дома працягваюцца работы ў рамках праектных рашэнняў па аб'екце рэканструкцыі.
Здарэнне адбылося зранку 8 чэрвеня. У Віцебску ў выніку дажджоў моцна прасеў грунт каля жылога шматкватэрнага дома на вуліцы Шрадэра. Пра пагрозу такога развіцця падзей мясцовы жыхар папярэджваў у сацсетках яшчэ тры месяцы таму, але яго звароты не мелі поспеху.
Пасля правалу грунту ў Віцебску стварылі штаб па надзвычайнай сітуацыі, а жыхароў дома адсялілі на час работ.
