Ад спёкі ў Францыі загінуў дальнабойшчык з Докшыцаў
Андрэй Мацаль / фота з яго акаўнту ў Вайберы
У Францыі ад спёкі загінуў беларускі дальнабойшчык Андрэй Мацаль. Ён памёр 25 чэрвеня 2026 года. У той дзень тэмпература паветра ў Францыі павышалася да 44 градусаў, піша "Наша Ніва".
Мацаль нарадзіўся ў 1972 годзе ў Докшыцах. Скончыў Калінінградскую мараходную вучэльню, доўгі час працаваў дальнабойшчыкам.
Яго жонка Таццяна працуе ў докшыцкай паліклініцы. А сын Даніла скончыў Акадэмію МУС і служыць у Докшыцкім райаддзеле Следчага камітэта.
Пахаваць Андрэя Мацаля плануюць на радзіме. Мяркуецца, што цела дальнабойшчыка прывязуць у родныя Докшыцы пры канцы тыдня.
