У Беларусі будзе пашырана база дадзеных правапарушэнняў - Генпракуратура

База дадзеных карупцыйных правапарушэнняў будзе пашыраная ў Беларусі. Пра гэта паведаміла Генеральная пракуратура.  Нагадаем, яна была створаная ў пачатку 2007 года. Генеральная пракуратура сцвярджае, што гэтая “сістэма ўліку дазваляе аператыўна і аб’ектыўна аналізаваць стан законнасці ў краіне, своечасова прымаць захады па супрацьдзеянню злачыннасці”.

Ужо са студзеня 2008-га ў базу дадзеных плануецца ўключыць некаторыя адміністрацыйныя правапарушэнні, паведамляе тэлеканал СТВ.