У Беларусі смерчы сталі часцейшымі
Сіноптыкі мяркуюць, што павелічэнне колькасці смерчаў звязана з ваганнямі клімату і новымі тэхнічнымі магчымасцямі па рэгістрацыі гэтай прыроднай з'явы. Часцей за ўсё смерчы адбываюцца лакальна і іх фіксуюць звычайныя людзі — здымаюць на фотаапарат ці відэакамеру, адзначае БелаПАН. Апошні раз метэаслужба фіксавала смерч у чэрвені 2009 года ў раёне Чачэрска на Гомельшчыне. Сіноптыкі мяркуюць, што пры кантрастах тэмператур у Беларусі смерчы будуць і надалей.
