У Брэсце ўсталявалі помнік дзеячу БНР, якога забілі ў 1965 годзе

Помнік Адаму Трыпусу, дзеячу Беларускай Народнай Рэспублікі, партызанскаму камандзіру ўрачыста ўсталявалі і асвяцілі на найстарэйшых у Брэсце Трышынскіх могілках. Ён быў забіты ў Брэсце ў 1965 годзе, магчыма, пры ўдзеле спецслужбаў СССР. Гісторык Ігар Бараноўскі кажа, што Трыпуса знайшлі з моцна разбітай галавой. Улады не дазволілі правесці ніякага следства, а загадалі адразу пахаваць беларускага патрыёта.



Толькі на працягу апошніх гадоў брэсцкія даследчыкі здолелі высветліць асноўныя звесткі пра жыццё і дзейнасць Адама Трыпуса.

Радыё Свабода