У кітайскім Цяньцзіні адбыўся магутны выбух (фота, відэа)

У доках кітайскага горада Цяньцзінь увечары ў сераду адбыўся магутны выбух. Яго прычына пакуль не выяўленая, адзначае BBC. Паведамляецца, што выбух суправаджаўся яркім выбліскам, а агністы слуп пасля яго ўзняўся на дзясяткі метраў.

Як перадае кітайскі тэлеканал CCTV, ад выбуху ў бліжэйшых дамах выбіла шыбы і дзверы. Некалькі высотных будынкаў абясточаныя. Тэлеканал сцвярджае, што на месцы выбуху адбылася ўцечка газу, але пацвярджэння гэтай інфармацыі пакуль няма.

Афіцыйна пра ахвяраў і пацярпелых пакуль таксама не паведамлялася. У сацсетках, аднак, з'явіліся фатаграфіі скрываўленых людзей у парванай вопратцы, якія выходзяць з раёна, дзе адбыўся выбух. Пазней з'явіліся звесткі, што пацярпелі не менш за 50 чалавек.