У Мінск з афіцыйным візітам прыбудзе кіраўніца Праграмы развіцця ААН
Хелен Кларк упершыню наведае беларускую сталіцу.
Як інфармуе тэлеканал "Беларусь 1", у рамках паездкі яна сустрэнецца з міністрам замежных спраў нашай краіны Уладзімірам Макеем, а таксама з кіраўнікамі Мінэканомікі і Міністэрства па надзвычайных сітуацыях. На перамовах будзе абмяркоўвацца будучыня супрацоўніцтва Беларусі і ПРААН, а таксама вопыт рэалізацыі сумесных праектаў, у тым ліку па чарнобыльскай праблематыцы.
Акрамя таго, 31 траўня славутая беларуская біятланістка, трохразовая алімпійская чэмпіёнка і Герой Беларусі Дар'я Домрачава стане паслом добрай волі Праграмы развіцця ААН у Беларусі.
