У Мінску паўгадзіны не было сувязі з міліцыяй, хуткай дапамогай і пажарнымі

Службы экстранага тэлефоннага выкліку 101, 102, 103 і 104 не працавалі ў сталіцы па невядомай прычыне каля 30 хвілін, паведамляе “Інтэрфакс-Захад”.
Прычыны збояў высвятляюцца. Па дамоўленасці ратавальнікаў з аператарамі сотавай сувязі, усе званкі па нумарах экстраных службаў накіроўваліся на рэзервовыя тэлефоны МНС.

За гэты час у міліцыю датэлефанаваліся 19 чалавек, да хуткай — 22, а 1 званок паступіў у аварыйную службу “Мінгаз”.