У Мінску затрымалі 15-гадовага падлетка, якога падазраюць у гандлі наркотыкамі

У сталіцы затрымалі 15-гадовага падлетка. Яго падазраюць у перапродажы буйных партый спайсаў ды іншых псіхатропаў, паведамляе тэлеканал АНТ.

Ідэю зарабіць на продажы наркотыкаў падлетку падказаў знаёмы. Хлопец мусіў атрымоўваць буйныя партыі наркотыкаў і перапрадаваць. Пры затрыманні ў падлетка знайшлі наркотыкі, грошы і мерныя вагі.

Сам падазраваны Ігар Царык, патлумачыў, што проста хацеў зарабіць.

Ігар Царык: "Зарабіў крыху. Прыкладна 6 мільёнаў. Прагуляў з сябрамі".

Цяпер падлетку пагражае да 15 гадоў пазбаўлення волі.