У Стакгольме адкрываецца кангрэс Міжнароднай федэрацыі хакея
Не выключана, што на кангрэсе зноў уздымуць пытанне наконт правядзення чэмпіянату свету па хакеі 2014 года ў Беларусі.
Нагадаем, што на пачатку траўня прадстаўнікі шэрагу міжнародных арганізацый і дэпутаты Еўрапарламента зноў заклікалі Міжнародную федэрацыю хакея (ІІHF) не праводзіць чэмпіянат у Беларусі. Аўтары ліста заклікаюць падтрымаць ахвяр парушэння правоў чалавека ў Беларусі і нагадваюць, што ў нашай краіне ёсць прынамсі 11 палітвязняў. Сярод іх — намінант на Нобелеўскую прэмію, праваабаронца Алесь Бяляцкі.
Зварот падпісалі прадстаўнікі праваабарончых арганізацый і дэпутаты Еўрапарламента, адзначае БелаПАН.
Прадстаўнікі афіцыйнага Мінску ўпэўненыя, што чэмпіянат не будзе перанесены з Беларусі.
