Улады плануюць сёлета выдаць каля 800 тысяч ID-карт

Выдача ID-карт замест папяровых пашпартоў пачнецца ў Беларусі ўжо ў 2021 годзе. Як паведамілі ў эфіры "Беларусь 1", сёлета плануецца выдаць карты 800 тысячам чалавек.

На ID-карце будзе фатаграфія ўладальніка і асноўныя асабістыя дадзеныя. Іншыя звесткі будуць размяшчацца анлайн і счытвацца пры сканаванні карты. Таксама карту дапоўніць электронная лічбавая подпіс.

— Цяпер дзеючы пашпарт будзе з'яўляцца сапраўдным да тэрміну яго заканчэння. Пасля ўкаранення біяметрычных дакументаў не трэба кідацца і бегчы атрымліваць. У гэтым няма неабходнасці. Дзеючы пашпарт і ID-карты будуць дзейнічаць нароўні, таму мы наплыву не чакаем і не думаем, што ён адбудзецца, — тлумачыць намеснік начальніка Дэпартамента па грамадзянстве і міграцыі МУС Павел Хрышчановіч.

З гэтага года пачнуць выдаваць і біяметрычныя пашпарты, якія патрэбныя будуць для выезду за мяжу. У эфіры тэлеканала паведамілі, што плануецца выдаваць у год па 300-500 падобных "замежпаспартаў". Чаму так мала, не ўдакладнілі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.