Віцяблян будуць судзіць за перформанс з "пахаваннем Лукашэнкі"

Следчы камітэт завяршыў расследаванне крымінальнай справы супраць чатырох жыхароў Віцебска. Іх будуць судзіць за шэраг палітычных перформансаў.

Гаворка ідзе пра кампанію мужчын і жанчын ва ўзросце ад 27 да 34 гадоў. У чэрвені 2021 года яны знялі відэаролік, дзе бейсбольнай бітай разбілі кінескоп тэлевізара, на які была налепленая фатаграфія беларускага журналіста. Таксама яны спалілі дзяржаўныя выдані і таксама знялі гэты перформанс на відэа. 

У жніўні 2021-га група зладзіла перформанс на віцебскіх могілках. На адну з магіл яны паставілі партрэт Аляксандра Лукашэнкі і знялі на мабільны тэлефон пастановачныя пахаванне.

Усе ўдзельнікі здымак былі ў масках, але следчыя заяўляюць, што вылічылі чатырох чалавек. Ім выставілі абвінавачанні па трох атрыкулах Крымінальнага кодэкса — 339 (злоснае хуліганства), 342 (актыўны ўдзел у групавых дзеяннях, якія груба парушаюць грамадскі парадак), 341 (псаванне маёмасці ў іншых грамадскіх месцах пры адсутнасці прыкмет больш цяжкага злачынства).

Усе яны раней не судзімыя. Мужчына беспрацоўны, жанчыны працавалі ў дзяржаўных арганізацыях. Некаторыя з іх былі раней знаёмыя. Усе абвінавачаныя ўзятыя пад варту.

Следчыя паведамляюць, што шукаюць іншых удзельнікаў перформансаў.