Вынікі лёсавання 1/8 фіналу футбольнага Кубка Беларусі

У панядзелак, 10 ліпеня, у Мінску ў Доме футбола прайшло лёсаванне 1/8 фіналу футбольнага Кубка Беларусі. Цяперашні ўладальнік Кубка брэсцкае “Дынама” сустрэнецца з “Гомелем”. Іншыя пары выглядаюць наступным чынам:

“Нёман” (Гродна) — “Мінск”,

“Шахцёр” (Салігорск) — “Орша”,

БАТЭ — “Тарпеда-БелАЗ”,

“Віцебск” — “Слуцк”,

“Дынама” (Мінск) — “Дняпро” (Магілёў),

“Іслач” — “Гарадзея”,

“Нафтан” (Наваполацк) — “Крумкачы” (Мінск).

Матчы пройдуць 22-23 ліпеня. Пераможца будзе вызначаны па выніках аднаго паядынка. Каманды, пазначаныя першымі, будуць гаспадарамі поля, інфармуе прэс-служба Беларускай федэрацыі футбола.