Затрыманыя палякі, якія незаконна высылалі беларусам запрашэнні на візы
Польскія паліцэйскія арыштавалі ва Уроцлаве 4 асобы, якія займаліся фальсіфікацыяй дакументаў на атрыманне візаў.
Па такіх запрашэннях у краіну трапілі сотні беларусаў, украінцаў, малдаван, грузінаў і расіян.
Затрыманыя падраблялі дакументы, згодна з якімі вынікала, што польская фірма хоча ўзяць на працу замежніка. Дзякуючы гэтаму ўладальнікі такога дакумента пасля атрымоўвалі ў польскіх амбасадах візы. Затрыманым пагражае да 5 гадоў зняволення, паведамляюць польскія СМІ.
