Заўтра суд разгледзіць скаргу адвакатаў Някляева
Хадайніцтва аб змяненні меры стрымання Уладзіміру Някляеву будзе разгледжана заўтра ў судзе Цэнтральнага раёна Мінска. Пра гэта БелаПАН паведаміў адзін з адвакатаў палітыка Уладзімір Бурштынаў. Пры гэтым ён выказаў сумненні ў тым, што Някляева 6 студзеня даставяць у суд на разгляд скаргі, і паведаміў, што плануе сустрэцца са сваім падабаронным на гэтым тыдні.
