Заўтра ў Беларусі пачынаецца вылучэнне кандыдатаў у дэпутаты
Выбары дэпутатаў мясцовых саветаў пройдуць 23 сакавіка 2014 года.
З 12 студзеня да 10 лютага вылучаць кандыдатаў змогуць палітычныя партыі, працоўныя калектывы (структурныя падраздзяленні) арганізацый ды выбарцы шляхам збору подпісаў.
Як адзначае "Интерфакс-Запад", асоба, якая мае намер вылучыцца кандыдатам у дэпутаты шляхам збору подпісаў, мусіць не пазней за 16 студзеня прадаставіць у адпаведную тэрытарыяльную, акруговую выбарчую камісію заяву аб рэгістрацыі ініцыятыўнай групы. Да дакумента патрабуецца прыкласці спіс яе сябраў.
Фота — Fotolia
