14:26 Дата візіту Лукашэнкі ў Кіеў па-ранейшаму невядомая

Дагэтуль застаецца невядомая дата візіту Аляксандра Лукашэнкі ў Кіеў. У шэрагу расійскіх СМІ з’явілася інфармацыя пра тое, што кіраўнік Беларусі наведае Украіну сёння ці заўтра. Аднак у сакратарыяце ўкраінскага прэзідэнта абверглі гэтае паведамленне. Паводле словаў супрацоўніцы акрэдытацыйнай службы, Аляксандра Лукашэнкі не будзе ў Кіеве на гэтым тыдні.

Нагадаем, візіт ужо неаднаразова пераносіўся. 6 сакавіка прэзідэнт Украіны Віктар Юшчанка заявіў, што праз тыдзень ён будзе прымаць у сябе беларускага кіраўніка.

Тым часам шэраг грамадскіх арганізацый 25 сакавіка правядуць у Кіеве «спаборніцтвы па лыжнаму бегу на асфальце на кубак Аляксандра Лукашэнкі».