21 сакавіка Мінск наведае прэм’ер Расіі Віктар Зубкоў

Старшыня ўраду Расіі Віктар Зубкоў прыбудзе ў Мінск 21 сакавіка для ўдзелу ў пасяджэнні Савета міністраў Саюзнай дзяржавы. Пра гэта паведамляецца на афіцыйным сайце беларускага ўраду. Чакаецца, што 21 сакавіка адбудзецца сустрэча В.Зубкова з прэм’ер-міністрам Беларусі Сяргеем Сідорскім у вузкім коле, а затым адбудзецца пасяджэнне саюзнага Саўміна, на якім будуць разгледжаныя 23 пытанні.

У прыватнасці, будуць разгледжаныя праблемы субсідавання аграпрамысловых комплексаў Беларусі і Расіі, пытанні аб падрыхтоўцы новай, трэцяй па ліку саюзнай праграмы развіцця дызельнага аўтамабілебудаўніцтва, аб праграмах вытворчасці хімічных валокнаў. Апроч гэтага, удзельнікі сустрэчы маюць намер прааналізаваць цэнавую палітыку Саюзнай дзяржавы.

Інтэрфакс