232 чалавекі спрабавалі за суткі незаконна перайсці з Беларусі ў Латвію
Латвійска-беларуская мяжа / delfi.lv
1 ліпеня латвійскія памежнікі зафіксавалі 232 спробы нелегальнага пераходу мяжы з тэрыторыі Беларусі. Гэта рэкордная колькасць за апошнія некалькі гадоў.
Пры гэтым на беларуска-літоўскім і беларуска-польскім участках мяжы не было зафіксавана ніводнай спробы нелегальнага пераходу.
Летась супрацоўнікі Службы дзяржаўнай бяспекі Латвіі прадухілілі 1652 спробы замежнікаў нелегальна трапіць у краіну з Беларусі.
Сёлета ад пачатку года латвійскія памежнікі затрымалі на мяжы 7018 чалавек, якія спрабавалі трапіць у краіну нелегальна.
На дапамогу латвійскім памежнікам прыйшлі літоўскія калегі, якія накіравалі групу для аховы мяжы з Беларуссю.
