25 гадоў таму завяршыўся вывад савецкіх войскаў з Афганістану
15 лютага 1989 году гэтую азіяцкую краіну пакінуў апошні канвой савецкіх бронетранспарцёраў.
За дзевяць гадоў вайны загінула болей за 15 тысяч савецкіх вайскоўцаў, 54 тысячы чалавек атрымалі раненні, болей за 400 тысяч захварэлі на складаныя хваробы. Трапіла ў палон і знікла без вестак 417 чалавек.
Савецкі Саюз падтрымліваў кабульскі ўрад і даваў на гэта па 800 мільёнаў долараў штогод. Але дагэтуль невядомая дакладная лічба эканамічных выдаткаў СССР на вядзенне гэтай вайны.
