Адкрыўся 60-ты Канскі кінафестываль
16 траўня ў Канах адкрыўся юбілейны 60-ы кінафестываль. За галоўный прыз фестывалю ў гэтым годзе будуць змагацца 22 стужкі.
Сярод іх працы Эміра Кустурыцы, Квенціна Таранціны, Гаса Ван Сэнта, Джэймса Грэя, Дэвіда Фінчэра, братоў Коэнаў і іншых рэжысёраў. Цікава тое, што ў конкурснай праграме няма ніводнага фільму сталых удзельнікаў фэста Вялікабрытаніі, Італіі і Гішпаніі.
Затое Расія ўпершыню за паўстагоддзі будзе змагацца за “Залатую пальмавую галінку” адразу двума фільмамі. Гэта работа Аляксандра Сакурава пад назвай “Аляксандра” і стужка Андрэя Звягенцава “Выгнанне”.
Журы паўнаметражных фільмаў узначаліць рэжысёр Сцівэн Фрырз - аўтар кінастужкі “Каралева”, якая ў мінулым годзе стала буйным касавым поспехам у Вялікабрытаніі. Па-за конкурснай праграмай будуць паказаныя фільмы Майкла Уінтэрботама "Трынадцаць сяброў Оўшана" і "Вялікае сэрдца".
Дадам, што на ўдзел у праграме кінафестывалю ў гэтым годзе прэтэндавала 3 тысячы 983 фільмы з 111 краінаў свету, з іх тысяча 615 поўнаметражных стужак.
Скончыцца фэст 27 траўня.
Фота: www.rambler.ru
Сярод іх працы Эміра Кустурыцы, Квенціна Таранціны, Гаса Ван Сэнта, Джэймса Грэя, Дэвіда Фінчэра, братоў Коэнаў і іншых рэжысёраў. Цікава тое, што ў конкурснай праграме няма ніводнага фільму сталых удзельнікаў фэста Вялікабрытаніі, Італіі і Гішпаніі.
Затое Расія ўпершыню за паўстагоддзі будзе змагацца за “Залатую пальмавую галінку” адразу двума фільмамі. Гэта работа Аляксандра Сакурава пад назвай “Аляксандра” і стужка Андрэя Звягенцава “Выгнанне”.
Журы паўнаметражных фільмаў узначаліць рэжысёр Сцівэн Фрырз - аўтар кінастужкі “Каралева”, якая ў мінулым годзе стала буйным касавым поспехам у Вялікабрытаніі. Па-за конкурснай праграмай будуць паказаныя фільмы Майкла Уінтэрботама "Трынадцаць сяброў Оўшана" і "Вялікае сэрдца".
Дадам, што на ўдзел у праграме кінафестывалю ў гэтым годзе прэтэндавала 3 тысячы 983 фільмы з 111 краінаў свету, з іх тысяча 615 поўнаметражных стужак.
Скончыцца фэст 27 траўня.
Фота: www.rambler.ru
