"Беларуськалій" просіць у Расіі адтэрміноўкі па крэдыце на мільярд долараў
Пра гэта паведаміў кіраўнік расійскага Ашчадбанка Герман Грэф.
Па яго словах, якія перадае РБК, "Беларуськалій" вядзе перамовы з Ашчадбанкам Расіі пра змену графіка плацяжоў па крэдыце на 1 мільярд долараў. Нагодай называецца складаная сітуацыя са скасаваннем дамовы з "Уралкаліем".
Раней Грэф паведамляў, што Ашчадбанк падпіша дамову з "Беларуськаліем" пра рэфінансаванне крэдыту на 1 мільярд долараў у другой палове лістапада 2013 года.
Фота — ria.ru
