Беларускі павялі ў матчы Кубка Федэрацыі са Швейцарыяй — 2:1
Беларускі павялі ў матчы Кубка Федэрацыі са Швейцарыяй — 2:1. 23 красавіка Аляксандра Сасновіч у адзіночным паядынку адолела Тымею Бачынскі — 6:2, 7:6 (2).
На сёння запланаваныя яшчэ дзве гульні — адзіночная, якую правядзе Арына Сабаленка супраць Вікторыі Галубовіч, і парная сустрэча, на якой Вольга Гаварцова з Верай Лапко пазмагаюцца са швейцарскім дуэтам Марціна Хінгіс / Белінда Бенчыч.
Нагадаем, што ў першы дзень спаборніцтваў Аляксандра Сасновіч перамагла Вікторыю Галубовіч (6:3, 5:7, 7:5), а Арына Сабаленка саступіла Тымеі Бачынскі — 4:6, 5:7.
