Беларускія дзяржкампаніі амаль перасталі купляць новыя аўтамабілі

Пра гэта паведамляе interfax.by са спасылкай на гендырэктара холдынгу "Белгазаўтасервіс" Міхаіла Супруновіча. Па яго словах, 2014 год будзе складаным для аўтадылераў за кошт цяжкасцяў на валютна-фінансавым рынку.

Па звестках кампаніі, у 2013 годзе продажы легкавых і камерцыйных аўтамабіляў у Беларусі складуць прыкладна 30 тысяч адзінак. Пры гэтым на долю камерцыйнага аўтатранспарту прыйдзецца 5,3-5,5 тысячы машын.

Раней паведамлялася, што ў выніку агульнага запаволення эканомікі ў Беларусі ў другім паўгоддзі 2013 года скараціліся паступленні ў прыбытковую частку бюджэту. Паводле ацэнкі Мінфіна, недапаступленні могуць скласці больш за 9 трыльёнаў рублёў.

Фота — interfax.by