Беларускія “запарожцы” прыехалі ў Львоў
20 ліпеня на плошчы Рынак ў Львове сабраліся ўладальнікі "запарожцаў" з Украіны, Беларусі, Расіі і Германіі.
Выстава аўтамабіляў адбываецца ў межах святкавання 30-годдзя львоўскага аўтамабільнага клуба "ЗАЗ-Козак".
Галоўныя ж мерапрыемствы па адзначэнні гадавіны клуба будуць праходзіць цягам трох дзён каля вёскі Верашчыца на Львоўшчыне, паведамляюць украінскія СМІ.
Туды ўжо прыехала каля 90 запарожцаў. У межах святкавання: казацкія забавы, казацкая куцця, фотавыстава пра клуб ды іншыя мерапрыемствы.
