Белавежскіх зуброў хочуць разводзіць у Харватыі
Зацікаўленасць у беларускіх лясных волатах выказваюць уладальнікі ранча, якія маюць дзясяткі гектараў лесапаркавых зон.
Прапанова наконт развядзення зуброў на Балканах прагучала 29 лістапада ў часе сустрэчы кіраўніка Брэсцкай вобласці Канстанціна Сумара з дэлегацыяй з Харватыі. Брэсцкі губернатар не выключыў такой магчымасці і даручыў працу над гэтым пытаннем адпаведным службам.
Апроч таго, сябры харвацкай дэлегацыі, у складзе якой кіраўнікі і заснавальнікі буйных кампаній, шукаюць у Брэсце партнёраў у сферы будаўніцтва і лагістыкі, у гандлі, турыстычным і гатэльным бізнэсе, а таксама ў іншых галінах, перадае БЕЛТА.
