Цела загінулага Мікалая Аляксеева не аддаюць жонцы — СМІ
Мікалай Аляксееў (на фота справа) / "Укантакце"
Жонцы беларуса Мікалая Аляксеева, які быў забіты ФСБ Расіі ў Карэліі, не аддаюць цела. Пра гэта піша тэлеграм-канал "Баста!".
"Ягонай жонцы не аддаюць цела Мікалая. Яна ходзіць у гэтую страшную арганізацыю кожны дзень. У чацвер будзе 9 дзён. Ягоныя асабістыя рэчы таксама сказалі, што не аддадуць. Пахаваць яго не могуць", — перадае тг-канал словы аднаго з чытачоў.
У Аляксеева засталіся чацвёра дзяцей — ім 18, 12, 8 гадоў і 8 месяцаў.
Мікалай Аляксееў — удзельнік беларускіх пратэстаў 2020 года. 6 сакавіка яго забілі ў Карэліі байцы ФСБ Расіі. Мужчыну абвінавацілі ў падрыхтоўцы тэракту па заданні ўкраінцаў. Яму было 49 гадоў.
