Ціханоўская: "Для рэжыма суверэнітэт ніколі не быў ні святам, ні каштоўнасцю"
Святлана Ціханоўская выступіла са зваротам з нагоды Дня аднаўлення незалежнасці Беларусі, які адзначаецца 25 жніўня (у 1991-м беларускі парламент надаў Дэкларацыі аб суверэнітэце БССР статус канстытуцыйнага закона). Яна ўпэўнена, што ён павінен быць дзяржаўным святам.
"Для рэжыма суверэнітэт ніколі не быў ні святам, ні каштоўнасцю — але быў таварам, якім можна гандляваць, каб захоўваць уладу, — кажа Ціханоўская. — Катаванні, прысуды па палітычных матывах, звальненні, знішчэнне бізнесаў не маюць нічога супольнага з сапраўднымі беларускімі каштоўнасцямі: імкненнем да бяспекі і дабрабыту, сумленнасцю, працавітасцю і годнасцю. Але галоўная нашая каштоўнасць — гэта незалежнасць".
Святлана Ціханоўская згадала і ўчорашняе віншаванне Аляксандрам Лукашэнкам украінскага народа з Днём незалежнасці Украіны, якое ўкраінцы назвалі "цынічным". "Учора яны дасылалі ўкраінскаму народу віншаванні з Днём незалежнасці Украіны, а праз пару гадзінаў з тэрыторыі Беларусі ва Украіну зноў ляцелі расійскія ракеты", — кажа Ціханоўская.
On August 25, 1991, the day after Ukraine, Belarus restored its independence. Three decades later, we have to defend it again. I am proud of every Belarusian who does not give up and continues to fight for our beloved Belarus. We will regain our country and our independence. pic.twitter.com/Tqf7HkVoMq
— Sviatlana Tsikhanouskaya (@Tsihanouskaya) August 25, 2022
