Домрачава заняла 8-е месца ў гонцы з масавым стартам у Халменколене
Беларуская біятланістка Дар’я Домрачава заняла 8-е месца ў мас-старце на этапе Кубка свету ў нарвежскім Халменколене. Спартсменка паказала добрую хуткасць на лыжні, аднак дапусціла два промахі і змагла трапіць толькі ў дзясятку наймацнейшых.
Напярэдадні Домрачава заняла 12-е месца ў гонцы пераследу, дзе яе таксама падвяла стральба.
У сённяшнім мас-старце перамагла нарвежка Тырыл Экхаф, на другім месцы — Габрыэла Коўкалава з Чэхіі, на трэцім — Кайса Макярайнен з Фінляндыі.
Беларуска Надзея Скардзіна таксама ўдзельнічала ў гэтай гонцы і заняла 13-е месца дзякуючы дакладнай стральбе.
