Еўракамісія: Дапамога беларускім НДА будзе павялічаная ў 4 разы
Пра гэта паведаміла 21 сакавіка прэс-служба Еўракамісіі.
У паведамленні гаворыцца пра тое, што Еўракамісія "ў чатыры раз павялічыць сваю прамую падтрымку беларускай грамадзянскай супольнасці цягам 2011-2013 года".
Працу па арганізацыі дапамогі з боку донараў будзе курыраваць спецыяльны ўпаўнаважаны ЕК Штэфан Фюле.
"Дапамога будзе прызначацца для беларускіх няўрадавых арганізацый, незалежных сродкаў масавай інфармацыі і студэнтаў, якія зазнаюць рэпрэсіі з боку рэжыму. Акрамя таго, €1,7 млн былі сабраныя для тэрміновай дапамогі ахвярам рэпрэсій", — адзначае прэс-служба Еўракамісіі.
