Фаны "Ляпіса Трубяцкога" дамовіліся аб пратэстным флэш-мобе
Прыхільнікі творчасці "Ляпіса Трубяцкога" маюць правесці флэш-моб з нагоды адмены красавіцкіх канцэртаў гурта ў Мінску.
2 красавіка а 19-ай гадзіне яны збіраюцца прыйсці здаваць раней набытыя квіткі ў клуб "Рэактар”, дзе самі будуць выконваць песні любімага калектыву. У трэк-лісце пакуль чатыры кампазіцыі: "Інтра", "Ружовыя акуляры", "Грай" і "Зорачкi".
Каб гэтая акцыя не была зразуметая, як парушэнне "грамадскага парадку", яе ўдзельнікі дамовіліся не выкарыстоўваць для выяўлення ўнутраных перажыванняў ненарматыўную лексіку, "незарэгістраваную сімволіку" і алкаголь.
