Фядуце стала блага, калі ён даведаўся пра смерць Навумавай
Аднаму з лідэраў кампаніі “Гавары праўду!” палітолагу Аляксандру Фядуце, які знаходзіцца ў СІЗА КДБ, стала блага ў часе допыту 11 сакавіка.
Так ён адрэагаваў на паведамленне пра смерць сваёй калегі Святланы Навумавай.
Як паведаміла БелаПАН жонка Фядуты Марына, у сувязі з гэтым допыт быў перанесена на 12 сакавіка. Аднак і ў суботу ён не адбыўся, але ўжо праз хваробу адвакатаў, таму яго перанеслі на панядзелак, 14 сакавіка. Марына Фядута спадзяецца, што зараз яе муж пачуваецца лепей.
