Іранская кампанія, якая сабралася ў "Белбіяград", трапіла пад санкцыі ЗША

Пра гэта стала вядома ў аўторак з апублікаванага паведамлення Мінфіна ЗША, паведамляе tut.by.

У прыватнасці, у "чорны спіс" трапілі Tadbir Economic Development Group, Tadbir Energy Development Group Co., Tadbir Investment Company, Tadbir Housing Development Group, Tadbir Construction Development Company, Tadbir Brokerage Company.

Агулам улады ЗША ўключылі ў санкцыйны спіс 37 іранскіх і міжнародных кампаній. Па звестках Мінфіна, кампаніі працавалі ў абыход міжнародных санкцый супраць іранскага рэжыму.

Раней Мінэканомікі Беларусі паведамляла, што "пісьмова пацвердзілі сваю зацікаўленасць у рэалізацыі інавацыйных праектаў пад юрысдыкцыяй "Белбіяграда" шэраг замежных кампаній". У іх ліку называўся іранскі шматпрофільны холдынг "Тадбір".

Фота — worldpress.com